فور يو لايك For You Like

تلات شموع

اذهب الى الأسفل

02 تلات شموع

مُساهمة من طرف محمد منسى في 2017-09-04, 20:53

تلات شموع قادو سوا


وأنا بإيدي قيدتهـــــــم


وداريت عليهم م الهوا


في ركن هادي كلهــــم


وفضلت سهران جنبهــم


أقرا كتابي في ضيـّـهـــم


تلات شموع قادو سوا


*******


لمحت فيهم شمعه حلـــــوه مزهزه


نورها غلب نور الشموع دي كلها


زي القمر والشمعتين دول جنبهــــا


نورهــــــم كأنه نجمتين


ويروحو جنب البدر فين


عدي النسيم علي بدرهـــم


نوره انطفي من قبلهــــــــم


والشمعتين فضلو ســــــــــوا


*******


فيه شمعه منهم ميّلت علي أختــــها


تسأل عن النور اللي زهزه وانتهي


ردت عليها التانيه قالت : بختهـــا


مكتوب لها غدر الزمـــــــــــــــــــان


من بعد ما إداها الأمـــــــــــــــــــان


ويا هلتـــــــــــــــــــــــري إنتي وأنا


إيه في الكتاب مكتوب لنــــــــــــــــا


والشمعتين خافو سوا


********
وجت فراشـــــــــه حلوه بيضه رقيّقه


تجري علي نور الشمــــــوع متشوّقه


لابسه حرير تحتيه قطيفه مزوقــــــــه


وجناحهــا كان زي الورق


علي شمعه هفهف وانحرق


والشمعه راح نورها إنعدم


وفضلنا في الضلمه سوا


أنا والكتاب اللي انطوي


*************


****



((  إن لم يكن شعري كعهدي به


فحسنك الشعر الذي أهوي   ))


م . منسي
avatar
محمد منسى
المدير العام™
المدير العام™


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى